أولا أنا متشكر قوى يا جماعة على كل النصايح اللى نفعتنى كتير جدا الحقيقة .. للخروج من حالة الإكتئاب الأعظم كما سماها لى البعض 🙂 .. واللى كان خير أخ ليا فيها بجد محمد أوسكار ..
ولاحظت فعلا فى الفترة الأخيرة إن ناس كتير بتعانى منها .. وعايزة أقول كمان للدكاترة النفسيين علا و marmad الطرق اللى قولتها بجد عبقرية .. ونفعت معايا جداااا .. وخاصة موضوع الطفل اللى إقترحه marmad بس طبعا بصرف النظر عن التعليقات اللى أخدتها .. والنظرة الغريبة .. لكن مش مشكلة المهم جابت نتيجة :),,
أما بالنسبة لعبد الرحمن واللى تقريبا كان بيعانى من النفس الموضوع .. أتمنى إن الموضوع يكون إنتهى على خير ..
نيجى بقى لأحمد مبرمج حر واللى بعتلى تاج مؤخرا ..
وكان كالتااااااااالى…
هل كنت طالب شاطر فى المدرسة ؟
وأنا صغير كنت شاطر جدا .. لحد الثانوى .. بدأت العملية تقل !!!
ايه كانت احب مادة و اكره مادة ليك فى المدرسة و الكلية؟
أممم .. أحب مادة ليا كانت العلوم والمواد المتفرعة منها بعد كدة .. والرياضيات .. مع إنى كنت أدبى ومحدش يستغرب !! 🙂
ومادة الفلسفة فى الثانوى العام .. لكن مش كدراسة .. كإستمتاع فقط …
كنت عايز تتطلع ايه وأنت صغير ؟
كاتب .. طيار .. وأخيرا مبرمج .. 🙂

وياريت اللى يحب يجاوب على التاج ومايكونش إتبعتله .. يعتبر التاج بتاعه … من غير أذى المرة دى 🙂

مدونة الديكاميرون .. عن الأدب و الكتابة والفلسفة والفنون

Advertisements