مرة أخرى أصدقاءنا المشاهدين والمتفرجين .. ينقلنا مبرمج حر من كرسى الإعتراف السابق ويضعنى ولكنها هذ المرة كنبة الإعتراف !!
ربنا يستر ..على بركة اللى نبدأ
نعمل الأول Loading للأسئلة
………………….
ايه اللي هيحصل لإيميلك لما تموت ؟
أعتقد إنه فى الحالة دى محدش هايهتم بالأيميل بتاع الشخص التوفى اللى هو أنا !! لحد ما الأيميل يتقفل لوحده من الشركة!!
اديت الباس وورد لحد قبل كده ؟
مفتكرش إنى أديت الباسوورد لحد قبل كدة
لو أه كانت طبيعة علاقتك بيه ايه ؟
أنظر الإجابة الماضية
اسمك ؟
كريم
اسم الدلع المشهور وسط اصحابك ؟
كيمو
عمرك ؟
21 سنة و 7شهور
برجك ؟
الأسد
مجال دراستك ؟
نظم المعلومات
شخصيتك نوعها إيه ؟
أممممم السؤال ده صعب جدا الحقيقة .. محدش يقدر يقيم نفسه وصفاته 100 % أكيد الأخرين ممكن يقيموا بدرجة أفضل بالتعامل والمواقف..ولذلك قررنا نحن الجهة الرئاسية للمدونة الإمتناع عن إجابة هذا السؤال وطرحه إستفتاء عام للجماهير
السفر بالنسبه لك ؟
أحبه جداااا أحب التغيير دائما قدر الإمكان .. فله عندى متعة خاصة
المود بتاعك ؟
المود بتاعى ماشى فى علاقة عكسية مع حالة الجو!! كلما إنخفضت درجة الحرارة كلما ذادت حالتى النفسية سعادة
وقت فراغك بتعمل فيه ايه ؟
إبحااااار فى محيطات وبحار وأنهار الشبكة العنكبوتية .. القراءة.. مقابلة الأصدقاء..والتفكير فى المستقبل
الاكلة المفضلة ؟
إحم إحم .. (أيه السؤال اللى بجوع ده؟) فيه حاجات كتير ولكن أكثرهم تفضيلا الحمام
الصفات اللي خدتها من بابا ؟
الهدوء والضحك
🙂
الصفات اللي خدتها من ماما ؟
الطيبة والمسؤولية عن العالم كله مما يترتب عليه القلق الدائم للأسف
😦
اكتر 6 حاجات بتكرهها ؟
الكذب
المكابرة
العند
التفاهة
الإهتمام بالمظاهر
وإنى أكون عايز أنام وحد يتصل بيا أو يجيلى
اكتر 6 حاجات بتحبها ؟
أهلى
أصدقائى المقربين
الكمبيوتر بتاعى
كتبى
أن أقرء رد جديد فى مدونتى من شخص لا أعرفه .. ما بالك بالذين أعرفهم!!
الهدوء
الشغل بالنسبه لك ؟
كل طموحاتى وأحلامى
ايه الكمبيوتر والانترنت بالنسبة لك ؟
كل وقتى وحبى وعشقى و هواياتى وطموحاتى وأحلامى معهم
واللى إحطهم جنبى على الكنبة عشان يجاوبوا
كبير المتشردين
تمام كوجان
جزيرة النور
قلقانة يله كفاية كدة الكنبة كومبلييت

مدونة الديكاميرون .. عن الأدب و الكتابة والفلسفة والفنون

Advertisements